eSefarad Noticias del Mundo Sefaradi
Grasia Jak Albuhayire
EN MEMORIA
Estamos en El memorial kayados,
ayi estan eskritos nombres karos.
Djidios heroes la vida desharon,
por un mundo lindo en la gerra kedaron.
Oye, las ojas konsejas estan kontando.
El rio klaro kantika esta kantando.
Eran personas limpias, kon grandes ideales.
Agora, la tierra mos akodra las yagas grandes.
La istoria eskrivyo nombres santos
de ombres, de mujeres, de kreaturas – matados
sin kulpa en la tierra enterados.
El memorial esta kayado, ma las almas estan yorando.
Grasia Jak Albuhayre
