eSefarad Noticias del Mundo Sefaradi
Ver todos los artículos de esta sección >>
» Mis Sentimientos por Espanya»
So un espanyol verdadero, de rasa judia
Mis viejos avuelos nasyeron en la juderia,
de Toledo, de Seviya, Cordova i Mayorca
İ puede ser en la chika isla de Minorka.
****
Munchas semanas las pasimos en estos lugares
Me paresiya komo bivir en sus hogares.
Despues de sieklos gozimos de sus herensyas
Komo si fuera ke biviamos kon sus kerensyas.
****
Mos desharon un trezoro verde, esto orozo
Topi la libertad en los viajes, so venturozo.
Mi pasaporto valido por todas la nasiones,
Kreo ke hue un regalo de siertas bendisiones.
****
Los avuelos de mis avuelos i mi famiya,
Nasyeron aki… en esta bendicha Turkiya
Ke hueron resividos kon ospitalidad i afekto
alegres por este paso humano, por este grande djesto…
****
Ma yo en Benalmadena ago kalmar sus nostaljias
Ariento las ermozuras paso las vakansas mias,
Las noches en algun flamenco los dias en las playas ,
Es una bivyenta hermoza, yena de alegriyas.
Kreo ke este pais es de kantes, de artes i flores,
Aze olvidar todas las ansyas i los dolores.
****
So un nasyonalisto, nunka troki mi sujesion,
Por este puevlo tengo una grande admirasion,
Echi al olvido el ayre del terible fanatismo,
Ke los arasto kon huersa serka el abismo,
Era una nasyon komo toparse en un grande seizmo
Ma kon los anyos se salvaron de akel pesemismo.
****
No se bive kon las memorias ke deshan los malos aktos,
Lores a Dios ,estamos kon estima i en muy buenos paktos.
Haim Vitali Sadacca
Florida
—————————————————————————————————————————-
Haim Vitali Sadacca, que escribió y publicó poesía en turco en sus años jóvenes, ahora compone sólo poesía en ladino, su amada lengua ancestral. Los poemas, elegidos por el propio autor, expresan las aspiraciones universales del alma humana para el amor, el afecto, la compasión, la generosidad, la paz y la armonía. Disfrutaremos en esta sección la habilidad de Haim como poeta y su dominio de la lengua ladina.
