eSefarad Noticias del Mundo Sefaradi
Del libro inédito «TRAPIKOS DEL ALMA» de Beatríz Mazliah
LECHE, KANELA i MIEL
Ya tengo el ninyo en la kuna,
ke me lo trusho la luna.
Lusero de la manyana
ke le alelumbra la kara
Su golor de pan kaliente
ke me lo ansia la djente.
Ajos, klavos i korales,
ke no lo endenyan los males.
Los dedos komo almendrikas,
ke son djoyas chikitikas.
Los malahines kon el,
ke es leche, kanela i miel.
Ya durme el ninyo en la kuna
ke me lo kudia la luna
-Grabación en vivo-
Autores
Letra: Beatriz Mazliah – Buenos Aires, 11-07-02
Música: Liliana Benveniste – Buenos Aires, enero 2005
Intérpretes
Voz: Liliana Benveniste
Percusión: Horacio Cacoliris
Guitarra: Uriel Kitay
Piano: Adrian Mirchuk
