Poema: TRAPIKOS DE L’ALMA de Beatriz Mazliah

Del libro inédito «TRAPIKOS DEL ALMA» de Beatríz Mazliah

 

TRAPIKOS DE L’ALMA

 

Karkumido tengo
el bodre de l’alma
de aronjar la vida.

Los ojos siempre en delantre
i a las espaldas
la voz de los ke amí
i me dejaron.

Sostiene, mujer
ata,
kudia;
asujeta
konserva palavras, savores,
trapikos de la memoria;
bogo grande i desmodrado
ke ainda ayer
kargó mi madre.

Beatríz Mazliah
Buenos Aires, 2000

 ,