eSefarad Noticias del Mundo Sefaradi
KANTIGA
La galanika
amostró la kara de luna
Todos mos tresalimos
de ver tanta hermosura
Ojos azules
color de la mar
la cabellera negra
kaia sobre el fustán
de florecicas rojas
ellas se embelekaban
con los rizos pretos
de la galanita
Empezó a kantar la galana
kantigas de amor
su voz dulce
komo el sharope
kalmaban ansias y dolor
Ensopito
entró un mozo galano
Ella kantaba
sus ojitos reían
El mozo le tomó la mano
Endjuntos
kaminaron por la mar
Mar azul
komo los ojos de la galanika
No los vide más
solo el son de su kantiga
kedó con mi.-
Renée Behar
En cualquier lugar 23 de octubre de 2015 10y45
