eSefarad Noticias del Mundo Sefaradi
Del libro inédito «TRAPIKOS DEL ALMA» de Beatríz Mazliah
BRINDIS DEL DJIDIÓ EN EL KAMINO
Brindemos por muestra kaza
ke deshamos en Toledo
Si avoltaran muestros ijos
mozotros no lo veremos
Brindemos para ke el Dió
mos de el aliento i la fuersa
de vivir en tierra ajena
i aynda alabar al sielo.
Brindemos por los inyetos
ke de la mano kaminan.
Ke la tierra ke eyos pisan
se aga Tierra Prometida
Guadra manseva,
guadra la yave,
i entre tus pechos
dale kriansa.
Bello poema