eSefarad Noticias del Mundo Sefaradi
La eskrivana Amerikana NORA EPHRON ke se murio a 71 anios disho ke los lokos nunka akseptan ke son lokos.. NORA entendia la natura humana i esto le dyo una perspektiva de los karakteres en sus piezas de theatro i novelas. Fue journalista, izo filmos i mismo los dirijo.
Ephron nasio en New York en 1941. Sus paryentes eran los eskrivanos Henry i Phoebe i es probablamente lo ke los inspiro por eskrivir » Tres es una famiya «. Izo su Debut en Broadway en 1943, i al vender sus derechos del filmo, la famillia se fue a bivir en Hollywood.
La ermana de Nora, DELIA, nasio en 1944. HALLIE nasio en 1948 i AMY nasio en 1952.
A 15 anyos Nora dyo su primera ovra «Take her, she is mine» – Tomala es miya -.Fue diplomada en Siensyas Politikas en 1962. Lavoro «interna» en la Kaza Blanka i dospues lavoro en New York por el Newsweek i el Esquire.
En 1967 se kazo kon el novelisto Dan Greenburg. Abandono el Post i empeso a eskrivir kolumnas sovre su vida. «Wallflower at the orgy» en 1970, «Crazy Salad» «Some Things About Women» en 1975. En 1979 eskrivyo «Scribble,Scribble» «Notes on the Media».
En los anios 1960 se separro , en 1976 divorsyo de Greenburg. Su segundo marido fue el journalisto Carl Berstein del Washington Post. Los dos eskrivyeron sovre el famozo eskandal del Watergate..
En los anios 1970 Nora empezo a lavorar por la TV kon la «Adam’s Ribs» . En 1978 se hizo el filmo «Perfect Gentlemen».
Nora tuvo 2 kriaturas kon Bernstein i en 1980 divorsaron i eskrivyo el «Heartburn».
En 1983 kreyo el filmo «Silkwood» jugado por Meryl Streep i fue su Debut en el sinema. De esto eya gano un OSCAR.
En 1987 se kazo kon Nicholas Pleggi i izo el filmo «When Harry met Sally» en 1989. En 1992 dirijo el filmo «This is My Life» i despues eskrivio i dirijo «Sleepless in Seattle» en 1993. Un filmo ke tuvo un buen exito fue
«Julie and Julia» en 2009. Streep gano de esto un OSCAR.
Nora sufria de leukemia i se murio el 26 Junio 2006 en Manhattan. Le sobrebývyeron su marido i sus dos kriaturas.
Shimon Geron
para Ladinokomunita
