eSefarad Noticias del Mundo Sefaradi
Trezladado por Liliana Benveniste
El diya de oy me vino un mesaje kon un sujeto ke me vino muy enteresante i me dechize a trezladarlo al ladino para partajarlo kon vozos.
Entre la lejenda i la realita nase en el sieklo III antes de muestra epoka el nombre de Agnodice (Ἀγνοδίκη), mujer ke tuvo ke meterse la maska de ombre para poder alkanzar su suenyo de ser mediko. El primo dato ke tenemos de eya es en la fabula 174 del otor latino Higinio, en el sieklo primero antes de muestra era.
En la Gresia antika, estava defendido para las mujeres ambezar medisina, esto por munchos anyos kevrantava la ley. Nasida en el año 300 a.e.c, Agnódice se kortó el kaveyo i entró en la facultad de medicina de Aleksandría vistida de varon. Entremientres kaminaba por las kayes de Atenas después de kompletar sus estudios de medisina, sintio los gritos de una mujer ke estava de parto. Halbu, la mujer no kería ke Agnodice la tokara mizmo ke tenia un grande dolor, deke pensava ke Agnodice era un ombre. Agnodice le amostró ke era mujer avriendose los vistidos sin ke dinguno la vea i ayudó a la mujer a parir a su kriatura.
La istoria presto se konosio entre las mujeres i todas las mujeres ke estavan hazinas empesaron a ir a Agnodice. Los médikos se sintieron envidiosos i akuzaron a Agnodice, a ken pensavan ke era un ombre, de sedusir a las pasientes. En su djuzgamiento, Agnodice avlo endelantre de los djuzgadores i demostró ke era una mujer, ma en este punto fue kondenada a muerte por ambezar medisina i prakticar la medisina siendo ke es mujer.
Las mujeres se alevantaron ante la sentensia, espesialmente las espozas de los djuzgadores ke avian diktado la pena de muerte. Algunas dizían ke si matavan a Agnodice, se ivan a ir a la muerte kon eya. Siendo ke eran inkapases de somportar las presiones de sus espozas i otras mujeres, los djuezes levantaron la sentencia de Agnodice i, dezde ese momento, a las mujeres se les permetió praktikar la medisina, sempre ke solo kudiaran de mujeres.
Ansí, Agnodice deshó su marka en la istoria komo la prima doktora, medika i djinekologa grega. La plaka de enriva, ke representa a Agnodice lavorando, fue enkontrada en Ostia, Italia.
