Muevo livro de la ANL: MAKEDA, SIVDAD DE BOVOS – Kuentos komikos de la tradision sefaradi

Desde la Autoridad Nasionala del Ladino mos alegramos de publikar muestro dalkavo livro pensado en espesial para las kriaturas! 

MAKEDA SIVDAD DE BOVOS: Kuentos komikos de la tradision sefaradi

15 kuentos komikos para kriaturas en Ebreo i Ladino 

-Dokumentasion i Adaptasion: Tamar Alexander

-Version en Ladino: Eliezer Papo

-Ilustrasion: Eran Alexander

 Presio espesial: 70 shekeles kon el embio inkluido en Israel

Embios al eksterior tienen un kargo espesial dependiendo del pays: 60 shekeles por el livro + kargo partikular del pays de destinasyon.

Para merkarlo, vos rogo de kontaktarmos en el 02-6243068 (+972-2-6243068) (Alhad-Djueves 9.00 – 12.00) o al mail: ladinocom@bezeqint.net

Aktualmente solo aseptamos kartas de kredito israelis por razones de segurita, ama durante la semana avriremos una opsion traverso paypal o vias diferentes ansina todos los ladinoavlantes ke esten interesados en merkar muestras publikasiones podran fazerlo komodamente.

Kuando topemos solusyon a las kartas internasionalas vos eskrivire de muevo, ama entretanto podesh rezervar el livro.

Autoridad Nasionala del Ladino i su Kultura | הרשות הלאומית לתרבות הלאדינו
⚑ Bet haDfus 11, Jerusalem 95483, Israel |בית הדפוס 11, ירושלים 95483, ישראל

TEL: +972(2)6243068 +972(2)6235995 | FAX: +972(2)6259791
✉ ladinocom@bezeqint.net  www.ladino-israel.org