MAZAL ALTO – Poema de Renée Behar de Huino

Hijica querida
de pelos rizados
cara de luna
blanca como el jazimin

Tu menudito cuerpo
mos da a alegrar
cada día al verlo
gentil y fermoso

Tus ojos pretos
de dulce mirar
Mazal alto
Dio del mundo
dalele a mi hijica
Mazal bueno
para darnos a alegrar
a todos enjuntos

Dio kerido
Patrón del mundo
dale a mi hijica
de lo muncho y de lo bueno

Mazal alto para ella.

Renée Behar de Huino, Punta del Este, abril 2007