Los Eskritos de Zelda: Poema AKI YERUSHALAYIM

Zelda Ovadia, espesialista en lengua djudeo-espanyola, mos avla en esta seksion sovre distintos temas ke tokan a la istoria i a la kultura sefaradi.

  
 

AKI YERUSHALAYIM

Nasida de padre yamado Moshe
Sos su kreatura amada
Mimada, kerida
Gran ombre
Ke te dio tu nombre:
Aki Yerushalayim. 

Revista mia i de mil paizes
Dime, kualas son mis rayizes?
Melda! Me dizes
Ambeza tu pasado en tierras leshanas
Espande tus alas
Sin espanto i sin miedo
Abrasa tu kultura i istoria
I a tu kerido Ladino. 

Daremos grasias a tu kreador
Persona de respekto i muncha valor
I le auguraremos de todo korason
Ke nunka manke de su lavor!!!!  

Zelda Ovadia Salinas