eSefarad Noticias del Mundo Sefaradi
Kada martes, Matilda Koen Sarano mos konta sovre los Pintores djudiós..
Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino .
Shlomó Brosh
(Yerushaláyim)
De Wikipedia
Shlomó Brosh, komo su padre antes de él, nasió en en la Sivdad Vieja de Yerushaláyim i kresió en el kartié de Yemín Moshé. De su chika edá fue rekonosido su talento de pintor. Durante su adolesensia él bivó en el kibutz Dorot, i a la edad de 18 anyos entró en la armada i servió en el Nahal. Sus superiores deskuvrieron muy presto su grande talento i lo enkorajaron a kompletar sus estudios en eskolas de desén i de gráfika, i fue envitado a pintar entradas, salones de komer, librerías i mas. Kuando salió de la armada lavoró komo mékániko, ma en su tiempo líbero pintava por su plazer. Produktores de filmos israelís i estranjeros, komo Menahem Golan i munchos otros, le komisionaron desenes i pinturas para los manifestos de sus filmos. El último lavoro de Brosh es la produksión i illustrasión de un livro de Salmos, ke le tomó anyos para terminarlo i ke tiene la kacha kon gravuras en oro.
Sholmó Brosh krea figuras, ekspresando sus sentimientos i su senso de la vida kon grande intensidad. En sus pinturas klásikas se nota su senso de observasión kombinado kon una rika imajinasión i kon el presiozo talento ke le viene del Alto. Brosh ekspresa la vida per medio de un djogo de luzes i solombras, profundizando las solombras i ablandando las linyas de kontorno.
Matilda Koen-Sarano
