La Seksion en ladino de kada semana del djurnal Shalom de Estambol – 18/12/2013

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.
Esta semana podesh meldar los sigientes artikolos.

• El dia enternasyonal del Ladino – Sheli GAON / La ventana de vuestra errmana:  El ladino es konosido komo judeo-espanyol; la lingua ke se avlava en la Espanya antes 500 anyos. Esta lingua se esta utilizando en la Turkiya, en los Balkanes, en los paises de la sud Amerika, en la Fransya, İtalya, Marocco i en el Oriente Medio (Orta dogu). El “Ladino” se esta empleando en el mundo entero, en mas de 30 paises ande se topan los Sefaradim komo minoria (azinlik)... ver mas >> 

• Deviya eskrivir estas linyas… – Coya DELEVI:  En la pajina Judeo-Espanyol de la semana pasada aviya tres tekstos konsernando el “1. Diya Enternasyonal del Ladino”. El uno, titolado “Judeo-Espanyol, Lingua del Egzilo” era el miyo. Muy natural, los organizadores  pensaron ke Klara Perahya iva ser la oradora de onor para esta selebrasyon. Antes dos, tres semanas, egzaktamente el 30 Novembre me ambezi ke muestra presyoza amiga Klara no iva pueder asistir, i par konsekuensa deviyan pensar a otra persona… ver mas >> 

• “Novedades del Mundo Djudyo, ke mos da la Prensa” i refleksyones – Klara PERAHYA: Se avla de 40 milyones de antisemites en los Estados Unidos, konsekuensa puede ser de la kompozisyon  mas o menos heteroklita de la populasyon inisyal, agravada por una migrasyon kontinual klandestina de desmazalados de la Amerika del Sud  komo tambyen  (en mas chika kuantidad) de otros kantones del mundo, ke fuyen la mizerya de sus payiz respektivo, situasyon a la kuala se adjuntan igualmente las kreensas relijyozas obskurantistas de personas  ke kedaron syegas a la evolusyon de la syensya i en laskualas el antisemizmo es syempre  profundamente enklavado en sus tradisyones, ombres i mujere enkavenados a preseptos medyevales i a una salvaje severidad kontra el puevlo supuesto ser el asasino de sus profeta Jesus; ombres i mujeres ke refuzaron de evoluar en sus pensamyento, sodros a las palavras del Papa Jean 23 de bendicha memorya, el kual avyertamente avia refuzado la kondenasyon i el aborresimyento i avia eliminado de los ansyanos tekstos kristyanos las horrivles palavras: “puevlo djudyo deisidyo”… ver mas >> 

• Akordo historiko sovre ‘la Agua’ entre Israel, la Jordani i la autoridad Palestinyana:  La gazeta Yediot Aharonot  mos ambeza  ke segun lo ke anunsyo un ministro Israelyano: ‘Reprezentantes de İsrael, Jordania i Autoridad Palestinyana’ sinyaron un tratado (kualifikado de historiko) para  salvar la Mar Muerta  ke riska de sekarse enteramente, grasyas a las aguas de la Mar Kolorada)… ver mas >> 

• Nelson Mandela serro por syempre sus ojos… – Klara PERAHYA:  Nelson Mandela serro por syempre sus ojos a un mundo ke el amava i ke se esforso de salvar de la indjustisya, inegualidad i servitud. Fizikamente el no es mas de muestro universo, moralmente el lo sera syempre. El fue uno de estos ombres ke kon sus ideas i sus aktos trokaron no solo la facha de sus payis i la manera de pensar de sus puevlo, ma ke tambyen tuvyeron un impakto konsideravle sovre la konsyensya mundyal en su totalidad… ver mas >> 

• Azer sovre bivir una lingua enflorese la vida. Primera selebrasion del dia del Ladino en el mundo 5-9 Desembre 2013 – Esti SHAUL:  El 9 de desembre fiestimos el primer dia del Ladino en el Museo Judio, el chiko kal Zulfaris transformada. Malgrado el friyo (ayaz), sus eskaleras altas,i su akseso difisil estava yeno mas ke 80 personas. Me gusta de rengresiar muestro Grand Rabino, el Konsul de Espania, el Konsul de İsrael, presidentes de assosiasiones de muestra komunita… ver mas >>