eSefarad Noticias del Mundo Sefaradi
El numero 77 de la unika revista istorika de los muestros, Erensia Sefardi, salio la semana pasada kon 8 fotografyas i los artikolos i rubrikas siguentes:
- 1770 – Los Sefardis en Livorno
- 1853 – Un viajero en la sivda Sefardi de Joden Savana en Surinam
- 1869 – Emilio Castelar defende los Sefardis en Madrid
- 1943 – La kontinuasyon del artikolo sobre el kapetan Italiano Lucillo Merci en Salonika
- Folklore i tradisyones: el konde Ninyo Alimar
- El Mundo Sefardi: la muerte de Iako Behar, Rachel Bortnick en Los Angeles, Bension Varon i las vijitas de Alhad.
El Editorial sigue:
«La mayor parte de los pasajeros del vaporcito ke nos condujo aki son Djudiyos. En la korta travesiya sorprendiamos agradablemente oireis avlar kon bastante pureza la majestuosa lengua de Servantes. Mostrarosle kon mosotros atentisimos, i al saltar a la oriya de Balata, ke es el barrio en ke abitan, nos saludaron afektuosos disiendo: <adios senyores; yeven sus mersedes buen viaje.>»
Ansina eskrivyo Narciso Perez Reoyo, un viajero espanyol ke se fue a Stambol a la fin del 19 siglo, i tuvo la sorpresa de oyir la lengua de Servantes en un vapor en medio del Bosfore. Desde el tratado de paz entre Espanya i el Impero Otomano en 1782, aviya unos kuantos viajeros i diplomatikos ke tuvieron la sorpresa de enkontrar los desendientes de estos Sefardis ke fueron eksilados i ke moraran agora en Turkiya.
Estos enkontros fueron mas i mas numerosos despues de la kampanya del Dr. Angel Pulido al empesijo del siglo 20. Kampanya ke no fue sufisiente para despertar el pueblo espanyol i el govierno de Madrid para ke ayuden estos «espanyoles sin patria» a mantener sus lengua.
Dr. Albert de Vidas
Editor
Erensia Sefardi
Fuente: Ladinokomunita
