eSefarad Noticias del Mundo Sefaradi
Ver todos los artículos de esta sección >>
_________________________________________________________
Un Pizmon en ladino
En el sidur Zehut Yosef, ovra del hazan Izaac Azose de Seattle, ay un pizmon de Shabat en ebreo i Ladino, ke en ebreo se yama ‘Elav Mi Iksha’.
El anyo pasado, en 2015, Izak les ambezo esto en ladino a unos ijikos de edad de onze a tredje anyos, i estos lo resitaron en el Dia de Ladino.
Los biervos de tres estrofas en ladino estan aki abasho:
בּֽוֹצְעִים Azen amotsi sovre dos panes, (2)
Kon manteles, muy ermozos, en Shabbat
I en eyos todo modo de frutas (2)
Lahen yizku leolam, shekulo Shabbat
Oy se kumpliyo Shabbat
הֵם Eyas ensyenden la almenara (2)
Kon azeite de oliva, klara i jaspe, en Shabbat
Azen zohe a sus ijos a la ley (2)
Lahen yizku leolam, shekulo Shabbat
Oy se kumpliyo Shabbat
מַרְחִיקִין Azen aleshar todo modo de merkansiya (2)
Tambyen avla, defendida, en Shabbat
I tambyen todo modo de pensamyento estranyo (2)
Lahen yizku leolam, shekulo Shabbat
Oy se kumpliyo Shabbat
Kon grasias a muestro amigo Izak Azose, tenesh el scan del pizmon entero del sidur Zehut Yosef.
Rachel Amado Bortnick
Dallas, Texas
Ladinokomunita
______________________________________________________________
En esta seksion “En vista de Rachel”, Rachel Amado Bortnick, fundadora de Ladinokomunita, un foro en Internet para korrespondensia solo en djudeo-espanyol, va a partajar kon mozotros sus komentarios sovre distintos butos.
