eSefarad Noticias del Mundo Sefaradi
Ver todos los artículos de esta sección >>
_________________________________________________________
El «Izmir Project»
Es un plazer tener a Nisim Ben Joya komo miembro de LK, i tomar su avizo sovre el progreso del Izmir project. Yo, komo Izmirliya (aun ke no moro mas en Izmir) me alegro de ver el karar (grado) ke ya se adelanto este projekto desde su prinsipio tres anyos antes.
Me entereso muncho ver el video sovre el projekto del muzeo de «erensia djudia de Izmir» ke sera un grande sentro kultural kon la restorasion o rekonstruksion de las viejas kehilot en el kuartier de Izmir. (Kreygo ke solo en Izmir se topan sesh sinagogas konektadas una kon otra) El video mos da una muy klara idea de lo ke va ser kuando se kompleta. Ishallah ke este prjekto se va kompletar en un atmosfer de amistad i pas entre el puevlo, i ke guadrara para siempre la memorya de la vida djudia ke enfloresyo en esta sivdad durante munchos sieklos, i ande munchos de mozotros por el mundo tenemos raises.
Tambien los filmos de la restorasion de los parohets esta muy enteresante.
Mersi muncho Nisim.
The Izmir Project, the hidden secrets of the Ancient Synagogues of Izmir
Rachel Amado Bortnick
Dallas, Texas
Ladinokomunita
______________________________________________________________
En esta seksion “En vista de Rachel”, Rachel Amado Bortnick, fundadora de Ladinokomunita, un foro en Internet para korrespondensia solo en djudeo-espanyol, va a partajar kon mozotros sus komentarios sovre distintos butos.
