eSefarad Noticias del Mundo Sefaradi
Partajamos kon los oyentes un muevo kapitoló istóriko i literario sovre grandes figuras de poetas ispano-evreos komo Isaac Abravanel, Shem Tob de León i Shlomo Ibn Gabirol, el gran poeta djudió sefardí malaguenyo, ofresemos informasiones kuriosas sovre sus ovras i vidas.
Kontinuamos el programa kon kreasión poétika kontemporánea sefardí, en las poesías de la autora nasida en Israel en la anyda 1935, Margalit Matitiahu, ofresemos algunos de sus poemas. Margalit dedikó poesía a la Shoá rekodrando el Olokasto, onde pedrieron la vida gran parte de los membros de distintas komunitades sefardim evropeas i del mundo por entero.
En Patrimonio muzikal sefardí kontinuamos kon varietá de bozes i versiones, eskojimos en este programa una kompla sefardí búlgara de bodas «Oy que casas tan hermosas» en la versión de Jasmina Petróvich del Cd Rosa de Sefarad, i el kante d’amor «Yo m’enamorí» en la interpretasión de la kantadera Fortuna (Brasil), (archivo sonoro Emisión Sefarad).
________________________________________________
DOMINGOS A LAS 22.30 HORAS, MARTES A LAS 18.30 HORAS UTC.
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
