eSefarad Noticias del Mundo Sefaradi
Partajamos un programa sovre la comunidad judía de Melilla, su istoria i patrimonio kultural. Informamos de sus oríjenes y la importansia de los djudíos sefardíes desde los empesijos en Melilla, la vida en Komunitá i sus membros.
Entrevista a Mordejay Guahnich, prezidente de la Comunidad Israelita de Melilla i prezidente de la Asociación Cultural Mem Guimel.
Konosemos la istoria de esta Komunidad Djudía kon un importante pazado sefardí, su enfluensia en Melilla, la Djudería, la kreasión de las Sinagogas y los aportes en los rolos kultural, ekonómiko, de bienfisensia i istóriko de los djudíos melillenses ansí komo el lavoro de rekuperasión del Patrimonio monumental Djudío en Melilla i los proyektos del avenir.
La Comunidad Israelita de Melilla se fraguó en 1883, pero fue en 1908 cuando se krea de manera ofishial prezentando sus estatutos. Una Komunitá kon una ancha i enfloresiente aportasión kultural i istórika hoy en día, onde muestro musafir konta kon gran responsavilitá en el lavoro de difuzión de la kultura sefardí i la konservasión de los lugares istórikos.
Kante tradisional «La Galana y el mar», interpretado por el grupo Sirma (archivos sonoros Emisión Sefarad).
DOMINGOS A LAS 22.30 HORAS, MARTES A LAS 18.30 HORAS UTC.
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
