EL MUNDO MIRA I NO AZE NADA trezladado por Simon Geron

Avlo en nombre de los 6 milliones de Judios ke desaparesieron. Me yamo»Marta Wise» i nasi en Chekoslovakia el 8 Oktubre 1934. So una sovrebivienta de Auschwitz-Birkenau,ke tuvo la experiensia de ser experimentada por Josef-Mengele. En 1944 después ke 180 miembros de la famiya de mi padre fueron deportados a Treblinka i Aushwitz para ser matados,mis parientes se desidieron de salvar por lo menos a las kriaturas.A mi i a mi ermana mayor»Eva» nos embiaron a NITRA en Chekoslovakia ande bivimos komo ARIANOS. En 8 Oktubre 1944 tenia 10 anios i los vesinos ayi sospechavan ke eramos Judias.Asi nos denunsiaron i fuimos arrestadas i harvadas por dias. Despues nos embiaron a Auschwitz-Birkenau a unas barakas ande Josef Mengele azia sus experimentos.Al yegar ayi lo ke vide era orrible. avian las Tropas Nazistas, los de SS kon sus perros esperando delantre el treno. Echaron afuera de los vagones i unos se murieron i otros se alevantaron.Vimos djente flakos komo los eskeletos en vestidos de pijama i no supe ke eran Judios.Tenian ke ser los porteros. Nos disheron de deshar todo en el treno i eyos los ivan a traier afuera.No fue esto lo ke se paso.Todo lo ke desian eran mentiras.

Nos demandaron de meternos en linias de 5,mujeres i kriaturas de un lado i los ombres del otro lado.Los porteros ke ivan a traier las maletas no puedian avlar kon ninguno amenazados de la pena de muerte. Lo mas ke se puedia azer era murmurar en silensio. Nos disheron de deshar las kriaturas kon mujeres mas aedadas,porke si las mansevas aparesían kon sus kriaturas,puedian embiarlas direktamente a las Kamaretas de Gas. A las ke puedian lavorar las guardavan.A los ombres mansevos les demandavan ke edad tenian.»Tienes 16 anios?»No tienes 19 o 20? «Los mas aedados tenian la suerte de bivir. Le demandaron a mi ermana ke edad tenia.Disho ke tenia 13 anyos.Eyos disheron»No,tienes 16». Después teníamos ke marchar en frente de Josef Mengele.El echo una mirada i me metio de un lado.A mi ermana le demando en Alemán»Ke edad tienes?’ Después la metio del otro lado.

Pasimos por una trauma grande kon dolor i ambre.Por finir nos yevaron a las barrakas ande se azian los experimentos. No teniamos ninguna idea de lo ke ivan a ser.Kada dia korria sangre. Esta sangre Judia servia a la Armada Alemana.Ma no era bastante buena para bivir.En perdiendo tanto sangre no supe komo se puedia kedar en vida. En Noviembre,Diciembre i Enero 1944-1945 estavamos en ropas,en la nieve profunda,sin komida i vestidos adekuados,ma aviamos sovrebivido. Para explikar lo ke era Auschwitz,no era al prinsipio un lugar konstruido kon el elemento malo de la sosiedad. Era organizado por la savidura,psikolojia i teknolojia.Los ke lo designaron eran injeniores, architektos kon la idea de exterminar a los Judios por la sola razon de ser Judios.

Oy kero avlar del Antisemitismo ke esta en aumento en Europa i parese muncho a lo ke era en los anios 1930 ke termino en el Holokosto. Oy el mundo entero esta enflamado i un otro Holokosto puede tomar lugar. Si el Mundo Libre no oie i lo ve i no lo toma en serio,las amenazas lanzadas por los Rasistos i Anti Semites ke detestan a los Judios, pueden azer lo mismo de nuevo. No pasa un dia ke no se pasan unos aktos Anti Semites,attakando las sinagogas i las tombas. Estos «Hooliganes» harvan a la djente innosente porke son differentes de eyos. El aktitud passivo de la parte de la Kommunidad Europea es el mismo ke fue en los anios 1930. Se ve mas i mas el Anti Semitismo de la derecha en Fransia,Hungaria i en otros lugares.ay raportes de violensia fisika i de abusos verbales.ay tambien el boykotte ekonomiko i akademiko kontra Israel.Todo esto parese a lo ke azia Hitler.

La djente se demanda ande estava el Dio en tiempo del Holokosto? Mi pregunta es»Ande estava el Ombre?» 71 anios antes fui liberada por La Armada Rusa.Nunka pensi ke puedia ser salvada kuando tenia 10 anios.Tampoko pensava ke un dia iva bivir en Nuestro Estado Judio al lado de mis kriaturas,inietos i bisinietos. Israel en sus 67 anios izo kontribusiones grandes al mundo. La Kapital se topa en Jerusalem,kasa para las 4 relijiones bivas en ko-operasion i ko-existensia.Antes 71 anios,las Nasiones Unidas no existian.Les kaie agora de meter fin al Rasismo i Anti Semitisme,i traier paz al mundo.Lo ke se pasa oy es ke»EL MUNDO MIRA I NO AZE NADA»KOMO FUE EL KAVZO EN LOS ANIOS 1930″.