eSefarad Noticias del Mundo Sefaradi
El klub kultural de Bat Yam ke apartiene a la Itahdut Yotsey Turkia va a azer
la prezentasion de una mueva komedia en djudeo-espanyol.
Los artistas amatores del klub kultural de Bat Yam están prezentando una mueva komedia de Moliere traduizada por Leon Sason i reformada por Albert Anah.
Este klub avia prezentado el anyo pazado dos piezas de Moliere: El Eskaso i El Hipondrioso ke avian ganadomuncho sukseso.
Esta mueva piesa de Moliere ke se yama «A fuersa del Palos va a ser prezentadada las datas13-14 del mez de marso de 2010 a la ora 20:30 en el Auditorium Anis en Tel Aviv-Yafo.
El rejisor de esta komedia es ALBERT YAFE i los djufadores son: AVI KANDIOTI – VIOLET BAHAR – SARA SARFATI – LIZET DIRLIK – ALBERT VAKIL – JAK ABORESI – LEVANA POYASTRO – YAACOV RASIER -ETI CERASI – MORIS DIRLIK – MATI KANDIOTI
Por biletos ay de adresar a Violet Bahar 050-5211480 o Jak Boresi 050-5590959.
Fuente: Rachel Amado Bortnick para Ladinokomunita
