EL DJENIO MUSIKAL DE VLADIMIR ASHKENAZI trezladado al ladino por Simon Geron

Keridos amigos i amigas

——————————————————————————-

EL DJENIO MUSIKAL DE VLADIMIR ASHKENAZI

Era Marzo 1963, en la altura de la Gerra Fria entre las 2 potensias grandes del Union Sovietiko i Los Estados Unidos, Ashkenazi venia de ganar el Primer Lugar en la Segunda Kompetisión Internasional en Moskú. Se preparaba para ir a Londra por un konsierto de selebridad. El Ministro de Kultura Sovietiko se sentía orgullioso después de la umillasión 4 anyos antes, ande fue un Amerikano ke gano el premio.

Ashkenazi ke va tener 80 anyos oy disho ke en el tiempo, no keria entrar en esta kompetisión. La músika ke Iva jugar no le konvenía. Si refusava de jugar los komisares se meterían kontra el. En refusando seria echado en la pubela, olvidado por siempre. Kuando se preparo para irse a Londra, tuvor una dilema. El Ministro de Kultura estava kontente ke Ashkenazi Iva mostrar la Kultura del Union Sovietiko al Mundo, ma no deshavan a su mujer «Thorunn» de Islanda/Iceland ke se vaiga kon el a Londra. Su mujer «Thorunn Johannsduttir» era una pianista i la pareja se avia enkontrado en el Konservatorio de Moskú. Se kasaron poko después. El Union Sovietiko no tenia konfianza en las estreyas musikales ke se kasavan kon extranjeros. Por esta razón eran segidos siempre por la polisia. Thorunn ensima de esto se metía una kruz chika ke su avuela le avia dado.» A la ora 11/in the 11th hour» Thorunn resivió el permiso de irse a Londra 2 días después ke partio su marido.

La pareja se desidio de kedarse en Londra. Ansi Ashkenazi nunka mas Iva bivir en Rusia, mismo si anyos después izo muchas vijitas a este país. Londra fue la Baza por 5 anyos i tuvo un program bien kargado ke lo forzava a viajar muy frekuentamente. Komo se kansava i tenia el deseo de konektarse kon la natura, le izo komprar una kasa para su mujer en Islanda. Se Iva ayi mismo por un día kuando estava en tur. Kaminava en las kolinas salvajes, gozando de la trankilidad. Su suegro era un konduktor i le ensenyava a dirijir una orkestra. Grasias a el tuvo una segunda kariera en las orkestras las mas grandes del mundo entre 2009 i  2013. Era kreador de la músika lavorando kon el Maestro «Roger Benedict» en Londra en 1986. Roger dize ke Ashkenazi era un ombre dulse i sinsero.  Keria ke salga la mejor musika.

Ashkenazi le konto a Benedict unas detalyes de la vida en Rusia. Bivia en un apartamento ke tenia agua ke korria. Era su privilejio espesial al ganar la kompetisión de Tchaikovsky en 1962. Nasido en «Gorky» ke  oy se yama «Nizhny Novgorod» el 6 Junio 1937, era un lugar industrial i por esta razón los Alemanes bombardearon a este lugar en la Segunda Gerra Mundial. El amor por la músika empezó en la kasa. Su madre lo yevava a ver La Opera de Bolshoi i el mirava a la orkestra abasho. Su padre era pianista. Ashkenazi tuvo 5 kriaturas i nunka se separo de su mujer. A eya la yama «Dodie». Ay ke dar krédito a su mujer porke si ay algo ke no se konduse de una sierta manera, Dodie se aravia.

Trezladado por Simon Geron
Sydney

Fuente: Ladinokomunita