eSefarad Noticias del Mundo Sefaradi
El Dia del Ladino/Judeo-Espanyol de Estambol
Este anyo vamos a selebrar el DIDL de Estambol el 21 Febrero 2021, malorozamente en el ZOOM. Puedesh estar muy seguros ke aparejimos un program maraviyozo para todos vozotros, muestra audiensia lokal de kada anyo. Puedesh ver el program en la broshur ke estamos publikando aki. Si keresh apoyarmos por los esfuersos ke estamos aziendo para prezervar muestra kultura, puedesh ir a muestro sitio de web, www.istanbulsephardiccenter.com i merkar un sertifikado de apoyo de DIDL ke puedesh topar en la segunda pajina de los produktos.
El program empesara el dia de Alhad, 21 de Febrero, a las 4:00 (de Estambol) de la tadre i se eskapara kaji a las 7:00. El link para el ZOOM esta aki: https://bit.ly/3oV2rTT
Vos asperamos a todos para pasar un dia yeno de alegria, de kantes, de videos enteresantes i un teatro a las mil maraviyas!
