eSefarad Noticias del Mundo Sefaradi
Ver todos los artículos de esta sección >>
La unika koza ke me traye al tino «BHUTAN» es memoryas maraviyozas de los tiempos ke pasavamos kuando las kreaturas eran dainda chikos !
Teniyamos un grande plazer de kolleksyonar timbros de todos los payizes. Ma no toda manera de timbros. Solo animales, plantas
i flores i tablos/pinturas ademas de todos los timbros postales ke saliyan en Turkiya.
La verdad es ke yegimos a una kolleksyon maraviyoza kon la kuala pasavamos horas i horas. Por seguro ke esto dyo a las
kreaturas muncha kultura i intereso a la geografiya tambien.
BHUTAN aviya kitado una seriya de timbros postales echos de madeira/wood/en bois/tahta ! Muy muy finos i reprezentando tablos. Mos aviyamos enamorado por esta seriya ekstraordinarya
i la aviyamos mettido en el album preto briyando ande guadravamos los mijores timbros ke teniyamos ! Las formas, el material las kolores eran lo mas ke mos importavan ! Para mozotros no era la valor del timbro ke era importante ma su ermozura i su orijinalitad ! Oy en diya es mi ijo grande Mustafa ke engrandesi enjuntos kon mi ijo ke tiene muestra kolleksyon. La esta kontinuando kon mi inyetiziko Kerem de 22 anyos. Komo pasa el tiempe…. El bebiko de ayer solo !
Kale ver mis dos ijos enjuntos asentados embasho delantre de sus albumes komo se divyerten, riyen komo kreaturikas en akodrandosen de akeyos diyas bendichos ! Me tresalgo…. Son inkreyivles !
Guadrados de nazar…
Karinyozzzzzzz
Sharope Blanco
Estambol
SEFARADIMUESTRO
