De la pluma de Sharope: KUENTIZIKO: DONALD TRUMP SE MUERE EN ISRAEL por Sharope Blanco

Ver todos los artículos de esta sección >>

KUENTIZIKO: DONALD TRUMP SE MUERE EN ISRAEL

Por dezgrasya, Donald Trump muere de una kriza de korason en Yerushalayim kuando viene “por echos” a Israel. La nasyon entera esta en dolyo i no saven ke azer….

Los Israelyanos dizen a los diplomates ke akompanyavan Trump ke tienen dos opsyones. Enterrarlo en Israel, lo ke les kostariya 100$ solo, o bien embiyar el defunto a los Estados Unidos, lo ke les kostariya 50.000$.

Estos debaten la kestion entre eyos i vienen a dizir ke preferan yevarlo ande nasyo.

– Ma… porke keresh gastar tanta moneda, responden los Israelyanos, puedremos azer todas las seremoniyas aki en las tierras santas i no vos kostara mas de 100$.

– Si ma antes se enterro aki un hombre i se resusito tres diyas dospues… No puedemos tomar este rizko!

 

Ke nunka vos manken las rizas !

Sharope blanco
SEFARADIMUESTRO
Istambul