eSefarad Noticias del Mundo Sefaradi
Nuestra lectora Renée Behar de Huino ha encontrado entre sus pertenencias esta carta enviada como respuesta a otra que seguramente contenía felicidades y buenos augurios con motivo de una boda. Renée ha querido compartirla con nosotros y con todos nuestros lectores.
Mouy cara Sol
Aze moutcho tiempo que resibi vuestra carta, ma me excuzo de no
respondervos de vista, a cavza que estavamos mouy ocupados con los preparativos de la boda.
Gracias al Dio paso mouy bien, estouvo ouna boda maravijoza. M amos lousimos bastante, El Kal se intcho de ouna manera que nos ouvo lugar de etchar ouna alfinete en bacho. Estouvo todo bondé. Mois gracias al Dio estouvo bien. Mi counyada vino de Israel por la boda. Agora ya retorno. El otro diya resivimos ouna lettra de tou parte dizyendo que embiyates oun regalo por Rosa. Rosa y Nisso vos remercian infinitamente. Mois ya se occoupo de retirarla. Esta ouna manta maravijoza. Para invierno para los friyos de Istambul. En buenas occasiones vo lo pagaremos. Me escribes que estas occupada con los preparativos de Marcos. Es que ya se fue a la Medina? Ohalla que seya por bueno. Como se topa Regina? Espero que esta mijor. Te rogo oun plazer que sepas que cafesito no tenemos. Si es que me vas a embiyar, te rogo que seya mas fino, mas delgado molinazo. Me gousta mijor. Excuzame si me permiti a demandarte. Todos grasias al dio estamos bien. Mois djounto las ijas y los yernos se joignan a mi para remerciarvos de nuevo.
A beldarte en subito passo oun fuerte abrasso a todos ustedes vuestra
Mois Avranell
Nota: La carta está transcripta en forma textual- Solamente los nombres propios han sido cambiados.
La que escribe es una tía mía pero la firma su esposo.
Renée Behar
Muy buenos recuerdos…..