La AUTORIDAD NASIONALA DEL LADINO
endjuntos kon
El SENTRO KULTURAL SEFARAD (CCS), LOS SHADARIM, LADINOKOMUNITA,
El SENTRO SEFARADI DE ESTAMBOL i El SENTRO MOSHE GAON

vos invitamos a partisipar de la

KOMPETISION DE POEZIA
EN LADINO

Para fiestar el DIA MUNDIAL DEL LADINO,  ke su data ofisiala es  17 de marzo por mor ke este dia del anyo 1996 fue kriada la ANL por la Kneset en Israel, keremos konvidarvos a azer parte de muestra kompetision de poezia.

_______________________________________________________

KONDISIONES DE PRESENTASION
Se akseparará 1 (una) sola poezia por otor. Las poezias deven ser muevas i nunka puvlikadas antes, eskritas en Ladino asigun la ortografía ofisiala de la ANL ke yamamos Aki Yerushalayim, en formato teksto DOC o PDF, adientro del eskrito deve tener  titolo de la poezia, nombre, adreso de mail i telefon del otor. No ay limite de edad para partisipar.
Las poezias serán akseptadas asta el 1 de marso de 2021. *

Mandar a ladinoautor@bezeqint.net con kopia a  info@ccsefarad.com

_______________________________________________________

La poezia eskojida komo ganadora sera meldada en la fiesta del DIA MUNDIAL DEL LADINO ke va akonteser Alhad, 17 de marso de 2021 a las 18 oras (de Israel).

El otor de la poezia va ser premiado kon la MEDALYA DEL LADINO.

Asperamos munchos van a partisipar!

————–

* Las poezias ke no kumplen estas kondisiones no seran tomadas para la kompetision.