eSefarad Noticias del Mundo Sefaradi
70 ANYOS DESDE LA SALVASION DE LOS JUDIOS EN DINAMARKA
Una seremonia se organizo en Copenhagen en la okazion del aniversario de 70 anyos de la salvasion de los Judios durante la Segunda Gerra. 7.300 Judios fueron evakuados para ke no sean deportados. En la Sinagoga de Copenhagen el ultimo Alhad, el Lider de la Komunidad Judia, Finn Schwarz, disho a sienes de personas ke lo ke se paso en Oktobre 1943 no era menos ke un milagro. En el tiempo el pais estava okupado por la Alemania Nazista i delantre de sus ojos en el porte, los judios reusheron a traversar la mar para ir a Sueda, un pais ke se kedo neutro.
En 9 April 1940 los Alemanes entraron en Danimarka. En lugar de echar bombas, echaron papeles eskritos en una lingua champureada de Danimarka, diziendo ke no tenian ninguna intension de ser agresivos. Sus motivos eran de defender el pais kontra los Aliados. Este pais no tenia una armada fuerte i bastante grande para entrar en gerra. Ansi desharon ke entren los Alemanes sin tener una Rezistensia. Para la djente paresia mijor komo solusion en lugar de ver el pais destruido kompletamente por las gerras. El Rey Christian X adresando al puevlo disho ke aksepten a esta konkista para ke no aiga una konfrontasion ke seria terminada antes mismo ke empese. i ke iva venir a un presio alto de sangra i de danyos.
Por siglos la Komunidad Judia bivio sin diskriminasion. El pais protejo a kada sivdadano. Para los Judios el ser Judio era solamente una kestion de relijion komo era para los Katolikos i Protestantes. Mismo ansi kon la konkista del pais bivieron en kalmo asta 1943, kuando el Governo demisiono. Kisas de vez en kuando avian unas problemas. Munchos del pais no kijeron kapitular i poko a poko se revoltaron. Unos se sentieron traisionados por el Rey i el Governo. Kon estos sentimientos nasio un tipo de Patriotismo i fueron eyos ke ayudaron a los Judios. Kuando demisiono el Governo, salio en medio la Rezistensia ke se sentia libre a tomar desiziones. Ademas kon un Governo demisionado no avia mas una kooperasion entre los Alemanes i los Danimarkos. Por esta razon los Alemanes no ezitaron a deportar a los Judios.
En Berlin avia una data. Era Oktobre 1, 1943, las 10.00 de la noche. Era noche de Rosh Ashana i la Gestapo iva entrar en las kazas de los Judios para yevarlos a los Kampos de Konsentrasion. 2 vapores grandes asperavan en el Porto de Copenhagen para yevarlos a Theresien Stadt. Un diplomato Aleman, Georg Ferdinand Duckwitz, estava serviendo en el Konsulato en el tiempo. Oyo en 11 Septembre ke el Governo Aleman en Danimarka tenia un plano de deportasion de los Judios. Le vino a el komo un shoke. Izo todo en su poder para ke esto no tome lugar. Se fue a Stockholm/Sueda i se enkontro kon el Primer Ministro de este pais, Per Albin Hannson. Torno atras a Copenhagen kon una promesa. «Si los Judios puedian yegar a Sueda, serian resividos komo refujiados i no serian embiados atras. Dockwitz tomo un riziko grande kuando avlo de esto kon su amigo Hans Hedtoft ke estava en la kavesa del Partido Sosial Demokratiko de Danimarka. Despues prevenio a la Komunidad Judia ke en su kavesa se topava Henriques i el Rabino Marcus Melchier, kon su padre el Rabino Bent Melchier i su Avuelo el Rabino Michael Melchier.»
El ombre ke konto esta istoria se akodra de esta noche de Mierkoles. Era 2 dias antes de Rosh Ashana. Su padre resivio el mesaje ma no pudo salir afuera komo era prohibido de salir la noche. Era peligroso avlar en telefono. Tenia ke asperar asta la manyana i durante las Selihot, solamente el padre pudo dar el mesaje a todos. Les kayia agora de prepararsen sin perder tiempo i no toparsen mas en sus kazas. La Sinagoga la serro en pensando ke los ke se ivan a ir ayi, toparian una anormalidad. Era una manera de prevenirlos i asemblarlos.
Noche de Viernes los Alemanes entraron en las kazas de los Judios i las toparon vaziyas. Malgrado todas las prekosiones los Alemanes atraparon a 481 personas. Kisas eyos no kerian fuirsen. Por finir los yevaron a Theresien Stadt. A este punto el Rey i el Governo reklamaron ke les den una garantia para asegurarlos a estos Judios.
En 1944 una Delegasion se fue a ver el Kampo de Konsentrasion i desde este dia los deportados resivieron paketes de komida i letras asta la fin de la gerra. Aparte de los 53 ke se murieron ayi, todos se tornaron atras. Bent Melchier se torno a Danimarka por finir i tuvo una famiya. Remersio a Sueda por lo ke izieron eyos. Se akodra de la Kosta Sueda. Tenia 6 anyos en el tiempo.
Tradusido por Shimon Geron, Sydney
La traducción es muy deficiente pero se entiende