4° Dia Internasional del Ladino – Florida, USA – 15 Enero, 2017

El Sephardi Federation de Palm Beach County (SFPBC) va a selebrar el Kuatren Día Internasional De Ladino este Alhad, 15 de enero, de 3:00 – 5: 00 despues de midi.

Este sera un maraviyozo program ke inkluye dos videos kurtos: el primer es sovre la istoria Sefardí judía de Salonika, i el segundo es «1492 – El Otro Camino.»

Vamos a tener tambien un fabulozo konserto de muzik Ladino kon traduksiones i eksplikasiones en Ingles del renombrado Elias Ladino Ensemble. Los muzikos inkluyen Daniel Elias en el klarinet, Maurice Sedacca en la guitarra i oud, i Dorit Elena Konig en doumbek.

Mos aze plazer si vendresh a selebrar muestra ermoza erensia!

Entrada es $10.00 para todos.

Estamos partisipando kon el  Adolph Rose Levis Jewish Community Center / Phyllis Harvey Sandler for Art, Culture and Learning en Boca Raton, FL.

ladino_day_2017

Fuente: Jake Kohenak – Ladinokomunita