eSefarad Noticias del Mundo Sefaradi
La eksplikasión ya va vinir
Djohá está en el jardino de su kaza i está aziendo un foyo en la tierra.
Viene el vizino i le demanda: «Para kualo estás aziendo este foyo?»
«Para enterrar mi pashariko.» le dize Djohá.
«Kualo?» le dize el vizino ke veye ke el foyo está muy grande, «Para un pashariko tú estás aziendo un foyo tanto grande?»
«Siguro!» le dize Djohá, «Porké mi pashariko está en la tripa de tu gato!’
Kontado por MATILDA KOEN-SARANO – 2015
Kada martes, Matilda Koen Sarano mos konta sovre kuentos, muzika i otras kozas de su eskritura. Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino
Sra. Matilde, quiero agradecerle el cuento por ud. relatado ,me emocionó mucho y me hizo volver a mi infancia donde mi abuelo me contaba los cuentos de Djoha Le envío un afectuoso saludo
Sra.Matilde, gracias por vuestros cuentos que nos traes.Es música para el alma y recordar todo lo mucho y bueno de nuestros padres.