eSefarad Noticias del Mundo Sefaradi
Keridos amigos i amigas
En el Jewish News de esta semana tenemos el artikulo de «Yossi Aron» tratando de la esensia de Hanuka. Es una kestion vieja i komo todas las kestiones djudias tuvo munchas repuestas a través el tiempo. Ma una ves ke se trata kon los orijines del festival i se demanda porke es por 8 días, el numero de repuestas se suve a 500. Hanuka aze salir una kuantida grande de emosiones en varias temas.
Saludes a todos
——————————————————————————-
LA ESENSIA DE HANUKA
Ay el fakto istóriko de la viktoria de unos kuantos sovre muchos. Ay el milagro asosiado kon la azeite ke forma la base de 8 días de selebrasiones i ay la Rededikasion del Templo. Al fin ay la viktoria filosófika de los Tradisionalistas kontra los Hellenistos kon todas sus implikasiones por la kontinuasión del Judaísmo en tiempo de krisis i en todas las jenerasiones.
En el Mundo Judio Kontemporario, Hanuka konta muncho en las selebrasiones anuales. En jeneral el Seder, el Yom Kipur I la partisipasion I unas selebrasiones de Hanuka son kosas ke se azen en la Diaspora. Por tanto la observasión de Hanuka es mas Rabbinika del punto de vista Talmudiko.
Porke la popularidad ?. La parte atraktiva komo koinside kon la base relijiosa, nos topamos rodeados por la komunidad en este tiempo. Tenemos alimentos tradisionales de Hanuka komo «Latkes i Sufganiot/Doughnuts/Ponchkes. Estas kosas eran kreadas mas por los ansianos ke no publikavan las selebrasiones relijiosas en las kayes. Oy es una kosa mas akseptada por los Judios i los ke no son Judios. Nos da la oportunidad para ke apareska nuestro simbolo relijioso en okasiones publikas al lado de otras kulturas. Para muchos esto es importante komo sorse de orgulyo i afiliasión. Kisas todo esto da una signifikasión nueva a los Prinsipios Halahic i Talmudik. La base es «PIRSUMEI NISA» ke trata del milagro. El lugar korrekto para meter la Menora es «PETACH BEITO MIBAHUTZ/A la entrada de la kasa de afuera. Signifikando afuera de la puerta, en frente de la mezuza. Asi kuando entra uno es rodeado de Mitsvot. Komo alternativa muchos la meten en la ventana para ke se vea del interior i del exterior.
La idea es lo ke esto aze a la persona arientro i no a los ke estan afuera. Aumentar la saviduría de la istoria i su signifikasión. La afinidad kon el Judaísmo. Ay ke tomar kuento del fakto ke mismo si se selebra en publiko al lado de otros komo se aze en el Siglo 21, uno no kumple su dover en mirando a la Menora ke apartiene a un otro. Kada individuo en kada kasa deve partisipar en kontando los milagros i en alumbrando sus kandelas.
HANUKA SAMEAH.
Trezladado por Simon Geron
Sydney
Fuente: Ladinokomunita / telegraph.co.uk
